الفرق بين العرب والغرب نقطة^^^.
كتبهاجلنار الزعبي ، في 23 تشرين الثاني 2006 الساعة: 01:58 ص
الفرق بين العرب والغرب نقطة
>>
>>شايف النقطة أديش صغيرة
>>بس يا أخي بصراحة مفعولها كتير كبير
>>شلون بقا هيك ، فهمني لشوف
>>رح أعطيك أمثلة
>>هلق هنن بيقولولهون غرب بس نحنا بيقولولنا عرب
>>والفرق بيناتنا نقطة
>>هنن صارو شعب الله المختار
>>، نحنا صفينا شعب الله المحتار
>>والفرق بيناتنا نقطة
>>هنن بيفكرو باستغلال الشعوب ونحنا منفكر باستقلال الشعوب
>>والفرق بيناتنا نقطة
>>يا سيدي هنن قدرو يعملو بين بعضون تحالف ، بس نحنا العرب عملنا
بينات
>>بعضنا تخالف
>>والفرق بيناتنا نقطة
>>هلق هنن عندون المواطن وضعو 100% مزبوط ، بس المواطن عنا وضعو
100%
>> >>>
>>مربوط والفرق بيناتنا نقطة
>>أصلاً أنت بتعرف ليش وصلنا لهلحالة ؟
>>ليش ؟
>>لأنو هنن
>>بيتفاهمو بينات بعضون بلغة الحوار ، بس نحنا منتفاهم
بينات
>>بعضنا بالخوار
>>
>>والفرق بيناتنا نقطة و مواطنون وصل لمرحلة الحصانة ، بينما
>>نحنا
>>مواطنا لسعتو عم يعيش مرحلة الحضانة
>>
>>والفرق بيناتنا نقطة
>> >>> >>
>> >>> >>
>> >>> >>نقلاً عن همام حوت … مسرحية عفواً أميركا
ـــــــــــــــــــــــــــــــــــــــــــــــــــــــــ
التصنيفات : سياسة, عام | السمات:سياسة, عام
أرسل الإدراج | دوّن الإدراج
نوفمبر 24th, 2006 at 24 نوفمبر 2006 2:41 ص
الأخت العزيزة : جلنار
إبنة بلدي الغالي سوريه
هذه زيارتي الأولى لمدونتك بجد حلوة كتير وهادفة وموضوعك هاد عجبني كتير الفرق بين العرب والغرب نقطة
أهنئك على هذا النقل والتوضيح لكني بحب قلك إنه من رحم الظلمة بيولد نور ومبعد الليل بيجي نهار ومن رحم الارض بيتفجر بركان ومن قلب الصخر الصم بيتفجر ينبوع ماء عذب ومهما كان عنا أخطاء راح تتصحح وراح ننتصر على الغرب وخاصة أمريكا وإسرائيل والنصر جايه بعون الله معلش يمكن بعدت شوي بس حبيت عبر اتحمليني ميرسي بنت بلدي الغالي مرة تانية وبتمنى زيارتك لمدونتي يمكن تعجبك ويمكن ما بعرف
دمت طاهرة نقية بثوب الياسمين